Во Италија 111 смртни случаи од коронавирусот, 416 новозаразени

Бројот на починати од ковид-19 во Италија денеска се зголеми на 111, 24 случаи повеќе од претходниот ден, а 416 лица се заразени, сто помалку отколку вчера, објави италијанската цивилна заштита.

Вкупниот број на смртни случаи во Италија поради новиот  коронавирус од почетокот на епидемијата, на 21 март, изнесува 33.340, според Цивилната заштита.

Италија е трета земја по ред во светот со најмногу смртни случаи после САД и Велика Британија.

Бројот на потврдени случаи е 232.664, на шестото место зад САД, Русија, Шпанија, Велика Британија и Бразил.

Во моментов има 43.691 заболени пациенти. Бројот на пациенти во одделенијата за интензивна нега опаѓа веќе подолго време, па денеска се хоспитализирани 450 лица, 25 помалку од претходниот ден.