Во Иран распореден руски систем за противвоздушна одбрана

Системот за противвоздушна одбрана, неодамна доставен од Русија, вчера беше распореден во централен Иран заради заштита на нуклеарниот објект Фордо.

Иранските медиуми објавија репортажа од распоредувањето на руските зенитно-ракетни системи Ес-300 во базата Хатам ал Анбија.

- Системот Ес-300 е дефанзивен, а не офанзивен, но Американците направија се за да не го добиеме. Имаме работа со непријател, кој не ни остава право дури ни на одбрана. Должни сме да го засилиме одбранбениот потенцијал, за да не може тој непријател да помисли на агресија врз Исламската Република, изјави ајатолахот Хаменеј.