Во Индија во сезоната на монсуни загинаа најмалку 209 луѓе
Во Индија денеска е издадено ново предупредување од поплави за делови од јужната држава Керала, додека бројот на загинати ширум земјата во сезоната на монсуни се искачи на 209 лица.
Властите ги предупредија жителите на Керала од обилни дождови во текот на следните 24 до 48 часа во најпогодените региони од државата, популарна помеѓу туристите.
Поради обилните дождови во четири индиски држави – Керала, Карнатака, Махараштра и Гујарат повеќе од 1,2 милиони луѓе ги напуштија домовите и се сместени во кампови.
Керала минатата година беше погодена од поплави, какви што немало речиси еден век, при што загинаа околу 450 луѓе, а огромната материјална штета се уште не е целосно санирана.
За време на овогодишната сезона на монсуни во Керала загинаа 95 луѓе, а најмалку 59 се водат како исчезнати. Додека во соседната држава Карнатака загинаа 48 лица, а околу 677.000 се раселени. Додека во западните држави Гујарат и Махараштра во поплавите загинаа 66 луѓе, а стотици илјади се спасени од поплавените региони.
Во поплавените региони припадници на индиската армија во соработка со Агенцијата за вонредни ситуации учествува во потрагата, спасување и помош на настраданите лица.
Монсуните се од клучно значење за обнова на водените ресурси во Индија, но во нив секоја година гинат стотици луѓе ширум земјата.
Ново на Сител
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак