Во Идомени чекаат речиси 10.000 мигранти
На грчко-македонската граница, кај Идомени, од ноќеска има зголемен број мигранти и сега речиси 10.000 чекаат од Грција да влезат во Македонија, јави Танјуг.
Според податоците на УНХЦР, Лекари без граници и другите меѓународни организации, во кампот Идомени сега се наоѓаат меѓу 9.500 и 10.000 мигранти, главно од Сирија и Ирак.
За мигрантите од воените подрачја во изминатите два дена речиси беше прекинато влегувањето во Македонија кај Гевгелија заради построгите мерки на контрола и селективно пропуштање. Границата можат да ја минат само оние кои имаат целосна документација.
Во Македонија дневно може да влезат само неколку десетици лица за да го продолжат патот кон Србија и земјите од Западна Европа.
Во Идомени, како што Танјуг дознава во кампот, секој ден доаѓаат меѓу 900 и 1.000 нови мигранти и затоа има се помалку храна и други средства.
И покрај тоа, вчера немаше никакви инциденти.
На грчката страна од границата бројни се припадниците на полицијата, додека македонската граница ја обезбедуваат силни воени формации.
Автобуси ги довезуваат новите мигранти и тие веднаш застануваат во долги редови за добивање храна, медицинска помош и останатите неопходни работи, како и шатори за семејствата со мали деца.
Мигрантите велат дека за се што им е потребно треба да чекаат со часови и дека сакаат што побрзо патот да го продолжат кон земјите од Западна Европа.
Многумина од нив се замотани во ќебиња и збиени во малите шатори кои се наредени до самата граница.
Најголема турканица има кај големиот шатор на Меѓународната организација за миграција (ИОМ) каде се врши контрола и повремено се пропуштаат мигранти да минат на македонска страна.
Ново на Сител
-
Град Скопје: Премиерот од Форино кога излегува од дома до Влада ги гаси попатно сите семафори
-
Променливо време со дожд и во наредните денови
-
Претрес во Кочани, пронајден пиштол, приведен насилник
-
Македонија се задолжува 50 милиони евра
-
Џафери: Арсовска да ја искоси тревата во дворот на Владата
-
Џафери за бојкотот на претседателските избори: Груби не е влада, ниту партија
-
Зеленски и ја честита победата на Сиљановска-Давкова
-
Сплит: Вработена му помогнала на муштерија да хакира машина за игри на среќа