Во Хрватска 3.164 новозаболени и 49 починати, најавени нови мерки

Во последните 24 часа евидентирани се 3.164 нови случаи на вирусот САРС-КоВ-2, а бројот на активни случаи во Хрватска денес е 17.814. Меѓу нив хоспитализирани се 1.944 пациенти, од кои 204 се на апарати за дишење. Починаа 49 лица.

Поради зголемениот број на случаи со коронавирус, хрватскиот премиер Андреј Пленковиќ најави нови построги мерки на денешната владина седница, на која дозна дека министерот за здравство Вили Берош е позитивен на коронавирус. Берош е петтиот министер на хрватската влада заразен со коронавирус.

Шефот на Националниот штаб за цивилна заштита, Давор Божиновиќ, изјави дека построгите мерки за спречување на ширење на коронавирусот ќе се однесуваат на јавни собири, работно време на угостителски објекти, на работа од дома и воведување на работа во смени каде што е можно.