Во Грција протести против пензиските реформи

Во Грција се интензивираат протестите против пензиските реформи за кои во моментов демонстрираат земјоделците и морнарите, а се очекува да им се приклучат и лекарите, адвокатите, инженерите и други категории работници.
Поради штрајкот на морнарите, бродовите до петок ќе останат закотвени во грчките пристаништа. Се планира и протестен марш на морнарите до Министерството за морската флота.
Штрајкот на морнарите ќе влијае и на трансферот на бегалци од островите кон пристаништето Пиреја. Се очекува на островите во источниот дел на Егејското Море да бидат блокирани илјадници мигранти кои пристигнуваат од Турција.
Прекин има и во работата на грчките железници, затоа што штрајкуваат и железничките чиновници. Не работи ниту метрото кое води до меѓународниот аеродром во Атина.
Пензионерите во Атина и Солун вчера излегоа на протести со барања пензиите повеќе да не се намалуваат, бесплатно државно здравство и неоданочување на минималните приходи.
Двата најголеми грчки синдикати за 4 февруари закажаа генерален штрајк. Тоа ќе биде трет генерален штрајк за три месеци, од повторното доаѓање на власт на Алексис Ципрас. Првиот беше во ноември, а вториот во декември.
Грција е под притисок на меѓународните кредитори да ги намали трошоците за пензии, кои се најголеми во ЕУ. Земјата одвојува 17,5 проценти од бруто домашниот производ за пензии, додека во Европа просекот е 11,5 проценти од БДП.
Владата во Атина планира намалување на максималните пензии од сегашните 2.700 евра на 2.300 евра и воведување на нова минимална загарантирана основна пензија од 384 евра.
Според договорот со меѓународните кредитори, Грција годинава треба да ги намали пензиските трошоци за 1,8 милијарди евра. Предлог-законот треба да биде разгледан во Парламентот на почетокот на февруари.
Ново на Сител
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
-

Србија доби еден од најобразованите парламенти во светот – пратеничките клупи ги пополнија доктори на науки, лекари и професори
