Во Градско реализирани пет милиони евра субвенции
Од 2006 до 2015 година земјоделците во Градско имаат добиено пет милиони евра субвенции најмногу за лозарство, поледелство и овоштарство, рече денеска заменик-министерот за земјоделство, шумарство и водостопанство Ванчо Костадиновски по средбата со земјоделците од оваа општина.
Костадиновски нагласи дека Владата ќе продолжи да им помага на земјоделците и заеднички со нив да ги решава проблемите во аграрот.
Осврнувајќи се на досегашните активности во Градско, заменик-министерот информира за канализациската мрежа, инфраструктурните проекти и изградбата на улиците. Во делот на водостопанството, рече, се работи на техничка документација за добивање техничка вода за село Виничани.
- Освен во земјоделството, Владата инвестира и во руралниот развој, со цел подобрување на животот на локалното население, подвлече Костадиновски.
На состанокот, земјоделците укаажаа на потребата од санација на мостот на реката Вардар во село Уларци. Костадиновски ги повика на меѓуресорен состанок во Министерството за да се разгледа проблемот и да биде, како што истакна, решен што поскоро.
Во реонот на Градско моментно е во тек огласот за закуп на околу 100 хектари државно земјоделско земјиште.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари