Во Гостивар поставени канделабри со лед светилки во центарот

Гостиварската локална самоуправа синоќа ги промовираше новите канделабри со лед светилки, кои ќе придонесат за намалена потрошувачка на електрична енергија и поефикасно осветлување на градското јадро.

Градоначалникот на општина Гостивар, Невзат Бејта најави дека ова е само почеток на еден пообемен проект со кој се планира замена на старите светилки од јавното осветлуавње.

- Овие канделебари ги набавивме од Италија и се најсовремените кои ги има на пазарот и се последен збор на технологијата. Станува збор за 36 канделабри со вкупно 65 светилки со исклучителна ефикасност. Во скоро време ќе започнеме со поставувње  на вакви светилки и на остатите столбови за јавно осветлување, рече градоначалникот Бејта на пригодната свечност.

За оваа инвестиција од општинската каса се издвоени три милиони денари.