Во ЕУ ќе се разговара за сомневањата за појава на чума во Сибир

Европската комисија и земјите-членки на Европската Унија денеска ќе разговараат за сомневањата за појава на чума во Сибир, откако лабораториски работник почина во рускиот град Иркутск, додека руските власти наведуваат дека нема докази дека болеста е предизвикана од кој било од патогените со кои работела.

Состанок на Комитетот за здравствена безбедност, што разгледува сериозни прекугранични закани по здравјето, ќе се одржи утрово во Брисел, а таа тема беше додадена на дневен ред, објави „Еуроњуз“.

„Можам да потврдам дека инцидентот во Русија ќе биде на дневен ред на Комитетот за здравствена безбедност“, изјави портпарол на Европската комисија.

МИА