Во Дојран ќе се реализираат два проекта за развој на руралниот туризам

Дојран е една од четирите општини во државата што доби финансиска подршка од Министерството за локална самоуправа и од УНДП за реализација на два инфраструктурни проекта што би требало да го поттикнат развојот на руралниот туризам.

– Пред да аплицираме ние ја имавме подготвено техничката документација за проектите од кои едниот е за изградба на локален пат од селото Ѓопчели до параглајдерската писта, во вредност од 420.000 денари, а вториот за изградба и реконструкција на пешачка патека во вредност од 198.000 денари, информираа од општината.

Од општината Дојран изразија надеж дека со реализацијата на овие проекти ќе се создадат можности локалното население да ги развива семејните бизниси со кои ќе се отворат и нови работни места.