Во делови на Европа се зголемуваат случаите на Западнонилската треска

Во текот на оваа година над 240 лица низ цела Европа се заразиле со Западнонилскиот вирус, јавува ДПА.
Според неделниот извештај објавен вчера од Европскиот центар за превенција и контрола на болести (ECDC), вкупно 241 случај на човечки инфекции се пријавени од почетокот на сезоната на пренос заклучно до средата.
ECDC соопшти дека 139 случаи се пријавени во Италија и 61 во Грција. Во Шпанија се регистрирани 17 инфекции, 13 се регистрирани во Северна Македонија, во Романија има шест случаи, во Франција четири, додека еден случај е пријавен во Германија, пренесува ДПА.
Кон крајот на минатиот месец, Светската здравствена организација (СЗО) повика на зголемена будност по неколкуте случаи на Западнонилска треска во Јужна Европа.
СЗО наведува дека вирусот Западен Нил вобичаено се пренесува меѓу комарци и птици. Меѓутоа, заразените комарци можат да каснат и луѓе и да ги инфицираат, најчесто помеѓу јули и септември.
Според германскиот Институт за контрола и превенција на болести „Роберт Кох“ (RKI), повеќето луѓе кои се заразени не сфаќаат дека го имаат вирусот. Затоа, истражувачите претпоставуваат дека има голем број непријавени случаи.
Кај особено тешките случаи болеста може да влијае на нервниот систем, што доведува до состојби како што се енцефалитис и менингитис. Не постои ниту вакцина ниту противотров. Лекарите можат само да ги третираат симптомите.
СЗО им советува на патниците да го намалат ризикот од каснувања од комарци со носење соодветна облека и користење масти и спрејови, пренесува ДПА.
МИА
Ново на Сител
-

Србинот Дејан Мијатовиќ нов тренер на МЗТ Скопје
-

Мицкоски од Берлин: Македонија активно учествува во разговорите за глобалната безбедност и предизвиците во светот
-

Сиљановска-Давкова ги прими акредитивите од новоименуваниот амбасадор на Кралството Саудиска Арабија Ибрахим Ал-Мади
-

Директорот на Мајкрософт: Вештачката интелегенција би можела да предизвика бројни проблеми
-

Ристески: Клучен приоритет на Владата е да ги задржи младите во државата
-

Николоски - Варнс: Потврдена посветеноста на стратешкото партнерство со САД и унапредувањето на билатералната соработка
-

Полицијата во Белгија со помош на „ГТА 6“ ги предупредува младите: Играта не е вистински живот
-

Мицкоски: Ја потврдивме поддршката за постигнување праведен и траен мир преку дијалог, дипломатија и координација
