Македонија
1. October 2016 - 14:26

Во Делчево ќе гради градска капела

Делчево ќе гради градска капела со средства од грантот во износ од над 5 милиони денари, добиен од кредитот од Светската банка со која општината се задолжи за изградба на детската градинка.

Тони Стоименовски, советник од ЛЕР во Општина Делчево, истакна дека за изградбата на градската капела, Делчево веќе работи на обезбедување на планската документација.

- Делчево изработи планска документација, сега е во фаза на урбанизација на просторот. Обезедени се неколу технички идејни решенија за имплементација, а обебзеден е и буџет преку задолжувањето од Светска бранка за изградба на детската градинка. Со ова задолжување, општината ја следува 20% грант од сумата на задолжување, а тоа е вкупниот износ потребен за изградба на капелата. По зваршување на урбанизацијата на просторот, очекуваме многу брзо да почнеме со импелментација на овој проект. Проектираната сума на техничките решенија е околу 5-6 милиони денари, но крајниот износ ќе зависи од јавната набавка, истакна Стоименовски.

Изградбата на градската капела е избран како прв приоритет од граѓаните на Делчево на буџетските форуми.