Во Делчево и Каменица се садат јавор, чемпрес и багрем
На Граничниот премин Делчево, македонските и бугарските царински службеници традиционално се вклучија во акцијата Ден на дрвото. Годинава покрај преминот тие засадија 20 садници од видот чемпрес и јавор.
Според Милчо Станојковски, инспектор во Регионалниот центар за граничен реон Исток истакна дека оваа акција е симбол на соработката на граничните служби од Македонија и Бугарија.
Во Делчево денеска се садеше покрај кејот на Брегалница во близина на спортските терени. Јордан Димитровски, директор на ЈПШС, ПЕ „Голак“ истакна дека на површина од околу 1 хектар ќе бидат засадени 2.000 садници од чемпрес и јавор.
- Акцијата е поддржана масовно и веќе сме при крај со засадувањето на садниците. Засадени се двегодишни садници од чемпрес и тригодишни садници од јавор. Поради неповолните временски услови на локалитетот Омар во селото Драмче кај Делчево, денеска нема да засадуваме, туку тоа ќе го направиме наредниве денови. Овде е планирано да се засадат 10 илјади садници багрем и бор на површина од 3,5 хектари, рече Димитровски.
Во Македонска Каменица денеска се садат 7 илјади садници во месноста Кузминец, кај селото Дулица на површина од 3 хектари, додека во урбаниот дел на Македонска Каменица се засадија 2.000 садници од јавор, чемпрес и багрем.
Ново на Сител
-
Приведени криминалци во Скопје барани со потерници за извршени тешки кражби
-
Мицкоски: Оваа генерација има обврска да ги исправи грешките и да создаде иднина за сите наредни
-
ЦУК: Активни три пожари, под контрола четири, изгаснати 31
-
Украина и Русија меѓусебно се обвинија за воздушни напади во текот на ноќта на граничните области
-
Петмина затвореници побегнаа од строго чуван затвор во Португалија
-
Граничниот премин Калово меѓу Македонија и Србија денеска ќе биде отворен до 22 часот
-
Честитка од претседателот на СПМ Љупчо Димовски по повод 8 Септември
-
Честитка од министерот Мисајловски по повод Денот на независноста