Во Дебарско гласаа 60 болни и немоќни лица

Во општините Дебар, Центар Жупа и Маврово Ростуше, денеска гласаа 60 болни и немоќни лица.

- Во општина Дебар доставени беа 33 пријави, но поради некомплетни документи правото на глас денеска го остварија 20 болни и немоќни лица. Инаку распределен е изборниот материјал на сите 27 избирачки места, 15 од изборна единица 5 и 12 изборна единица 6, изјави Али Реџа, секретар на дебарската општинска изборна комисија.

Тој посочи дека утре право на глас имаат 17.461 гласачи, од нив 8.756 во ИЕ 5 и 8.705 во ИЕ 6.

Во општина Маврово Ростуше денеска гласаа 34 болни и немоќни лица, колку што и се пријавиле.

-Општина Маврово Ростуше припаѓа на изборната единица шест. Утре ќе се гласа на 39 избирачки места. Правото на глас треба да го остварат 5.967 граѓани, истакна Тамара Смилеска, претседател на изборна комисија за оваа општина.

Ерхан Зубер, претседател на ОИК за Центар Жупа изјави дека гласачкото право го оствариле шест болни и немоќни лица. Истакна дека оваа општина припаѓа на ИЕ 5, ќе се гласа на 16 избирачки места, а право на глас имаат 6.352 граѓани.

Во сите три општини без проблеми бил доставен и избирачкиот материјал.