Во Дебар расте бројот на оздравени, новозарзени нема веќе 12 дена
И во изминатото дванаесетто по ред деноноќие, во Дебар нема новодијагностицирани со Ковид-29,со што бројката останува на 49.
Во исто време расте бројот на оздравени лица кои беа на домашно лекување. Во последните два дена тој број изнесува 15 , со што вкупната бројка на оние кои ја добиле битката со опасниот вирус се зголеми на 31 лице.
Сепак,како што порача градоначалникот Хекуран Дука на денешната прес-конференција, битката со невидливиот непријател не е добиена, па треба строго и понатаму да се почитуваат сите мерки и препораки.
– Иако Дебар и Центар Жупа ја поминаа кризната состојба, населението не треба да се однесува со триумфализам,бидејќи продолжува проблемот со кризата со опасниот вирус. Граѓаните треба да бидат и понатаму дисциплинирани и да ги почитува владините мерки, рече Дука, кој раководи и со
општинскиот Оперативен штаб.
Безбедносната состојба на подрачјето на двете општини, кои се под надлежност на Одделението за внтарешни работи Дебар, продолжува да биде стабилна.
– Не е регистрирано непочитување на одлуката за забрана за движење, нема нарушувања на јавниот ред и мир, нема кражби и сообраќајни незгоди. Граѓаните се должни, да ги пријават случаите кога има злоупотреби од страна на несовесни лица,затоа што во оваа ситуација е неопходна максимална
соработка на граѓаните со локалната власт и полицијата, изјави Дука.
Информираше дека и понатаму од разни донатори пристигнува хуманитарна помош за најранливата категорија граѓани, која се распределува без никакви проблеми.
Ново на Сител
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”