Во Бугарија очекуваат до крајот на јуни 5,5 милиони вакцини против Ковид-19

До крајот на јуни, 3,5 милиони дози вакцини против Ковид-19 се очекува да бидат доставени во Бугарија од производителот Фајзер,  450.000 дози од производителот Модерна,  милион дози од производителот Астра Зенека и половина милион дози од производителот „Јансен”.

Тоа го нагласи на брифинг во Советот на министри директорот на бугарската Извршна агенција за лекови Богдан Кирилов. Според него, овие доставки ќе овозможат забрзување на процесот на вакцинација.

– Зголемувањето на испораките се очекува од 26 април, рече Кирилов.

– Вкупно 620.375 Бугари се вакцинирани досега, изјави Красимир Гигов, претседател на Националниот штаб за вакцинација. Според Гигов, сите вакцини доставени во Бугарија се користат веднаш.