Свет
23. December 2020 - 18:08

Во Британија потврдена трета мутација на коронавирусот

Британскиот министер за здравство Мет Хенкок денес потврди дека во Велика Британија се откриени два случаи на друг, нов вид на коронавирус, и дека станува збор за контакти на лица кои пристигнале од Јужна Африка минатата недела.

Тој на прес-конференцијата рече дека ваквиот развој на ситуацијата е уште позагрижувачки затоа што новиот вид е уште полесен за пренесување и се чини дека може да продолжи да мутира, пренесува Sky News.

Кога станува збор за нивоата на тревога, тој рече дека одредени делови на Англија ќе бидат поставени на највисоко, четврто ниво поради појавата на нов вид на вирус.

Како што прецизираше, источните и јужните делови на Англија ќе бидат поставени на четврто ниво, додека ситуацијата на југозападот е мирна.