Во Битола формирано ново Бугарско здружение „Балкански мост“
По затворањето на Бугарскиот културно информативен центар „Ванчо Михајлов“, последните денови пред истекот на Старата година, во Битола беше промовирано Здружението „Балкански мост“.
Ова здружение кое нема ниту простории, ниту седиште, деновиве го сврти вниманието на битолската јавност со скромни донации.
Тие донираа новогодишни пакетчиња за Домот за доенчиња и мали деца во Битола, купени наводно со финаниска помош на Фондацијата на бугарскиот стопанственик Милен Врабевски и Фондацијата „Бугарска памет“.
Инаку, според некои информации во фокусот на активностите на ова ново Здружение, наводно ќе бидат културата, образованието и традицијата.
Во минатата година, ова Здружение во јавноста излезе со настан од проектот „Стоп за семејно насилство“ инициран од сопругата на бугарскиот амбасадор во Македонија Билјана Ангелова.
Новото Здружение „Балкански мост“ објави на нивната официјална Фејсбук страница дека во организација на Министерството за образование и наука, заедно со Амбасадата на Република Бугарија и генералниот Конзулат во Битола, организираше информативна презентација на сите оние заинтересирани кои сакаа своето високо образование да го продолжат во градовите Пловдив, Благоевград, Варна, Софија и Стара Загора во Бугарија.
Неофицијално, претседател на ова ново Здружение „Балкански мост“ е Љупчо Јошевски вработен во РЕК „Битола“ каде што работи и претседателот на Бугарскиот културен центар „Ванчо Михајлов“ Љупчо Георгиевски.
Новото Здружение „Балкански мост“ пред Новата година имаше скромни донации и во Струмица и Струга.
Ново на Сител
-
Изборниот штаб на Харис го обвини Трамп дека се обидува да ги промени условите на дебатата во своја корист
-
Курти в понеделник во Скопје на средба со премиерот Мицкоски
-
Американската амбасада во Бејрут и британската Влада ги повика своите граѓани да го напуштат Либан
-
Гром удри на плажа во Италија, повредени најмалку три лица
-
Украинската војска соопшти дека потопила руска подморница и предизвикала значителна штета на ПВО систем С-400
-
Ангелов: Имаме шест активни пожари, дождот не ни е од голема корист бидејќи ги промаши критичните пожари
-
МНР за случајот со косовската претседателка: Побарани се информации од надлежните институции, ќе се преземат мерки во иднина да се избегнуваат вакви ситуации
-
Во Косово уапсени пет лица осомничени за тешки воени злосторства врз цивили Албанци во 1999 година