Во Белград започна повторениот судски процес против Дарко Шариќ
Во Специјалниот суд во Белград денеска започна повторениот судски процес против Дарко Шариќ и останатите обвинети за шверц на големо количество кокаин од Јужна Америка во Западна Европа.
Шариќ во својата кратка изјава истакна дека обвинението против него наликува на „убаво напишана историја“, но не разбира за што точно е обвинет.
- Веќе седум години за мене зборуваат секакви работи, затоа сега повеќе нема да кажувам дека не сум виновен, туку да ја докажат мојата вина, нагалси Шариќ.
И останатите обвинети ги отфрлија тврдењата дека се виновни, како и Дарко Тошиќ, кој неодамна беше екстрадиран од Холандија и првпат се појави пред суд.
Во новиот судски процес обвинетите ќе имаат можност повторно да ја претстават својата одбрана, доколку тоа го сакаат, повторно ќе се сослушаат сведоците, ќе се преслушуваат прислушкувани разговори и ќе се достават други докази.
Судскиот процес се води по шест обвиненија за шверц на вкупно 5,7 тони кокаин од Уригвај, Бразил и Аргентина за Западна Европа во период од 2008 и 2009 година.
Во Специјалниот суд во Белград во одделна судска постапка на Шариќ му се суди и за перење на пари во Србија преку внесување пари во легалниот финансиски систем, кои се добиени од шверц на кокаин. Тој и уште 17 лица се обвинети за перење на околу 22 милиони евра.
Ново на Сител
-
Русија во текот на ноќта жестоко ја нападна западна Украина со дронови и ракети
-
Работна посета на албанскиот претседател Бајрам Бегај во земјава
-
САД му воведе визни ограничувања на кубанскиот претседател за неговата улога во „бруталноста на режимот“
-
Авионот на „Ер Индија“ се урна заради исклучен доток на гориво во моторите, покажува прелиминарниот извештај за несреќата
-
Ѓоковиќ: Едноставно тоа се годините, телото е истрошено...
-
Вучиќ: Студентите во блокада на 15 март не дадоа „зелено светло“ затоа што некои во државата требаше да си ја завршат работата
-
Свети апостоли Петар и Павле (Петровден)
-
Сончевo и топло до 36 степени