Во Австралија уловена џиновска ајкула долга дури шест метри!

Фотографии од џиновска тигреста ајкула се појавија на социјалните мрежи, а многумина тврдат дека е уловена овој викенд во близина на северниот дел на Нов Јужен Велс во Австралија.

Џеф Брукс објавил две фотографии од ајкулата која е долга дури шест метри на Фејсбук тврдејќи дека е уловена на плажа во близина на Ленокс Хеада.

"Колку што сум запознаен, властите побарале оваа ајкула да биде уловена бидејќи нападнала луѓе во близина на плажата", напишал Брукс.

Во меѓувреме по медиумите во Австралија изјава дал и рибар по име Метју кој тврди дека тој е човекот што ја уловил ајкулата и дека како сувенир зел дел од вилицата. Тој вели дека ајкулата е уловена пред три седмици но и дека во областа каде што ја уловил ајкулата видел и поголеми примероци.