Во Атлантикот пронајден бродот во којшто погинале првите жртви на Хитлеровите поморски походи
Остатоци од патничкиот брод „Атенија“, кој во Втората светска војна бил погоден од торпедо на Германската морнарица, се пронајдени во Атлантскиот Океан, кај островчето Рокал, на длабочина од 200 метри. За откритието е заслужен „трагачот по палуби“, Дејвид Мернс.
Повеќе од 100 луѓе се удавиле кога германскиот капетан Фриц Јулиус Лемп „по грешка“ го испалил проектилот во британскиот патнички брод на 3 септември 1939 годин, само неколку часа откако британскиот премиер Невил Чембрлен и објави војна на нацистичка Германија.
На бродот, кој вообичаено патувал на линија Глазгов - Монтреал, имало 1.103 патници, од кои 118 загинале. Зачувани се и три телеграми коишто говорат за тој инцидент. Првата е испратена дента во 00:18 часот, и со неа се известуваат германските бродови дека на земјата и е објавена војна. А пак, другата, испратена еден час подоцна, ни кажува дека „Атенија“ е погодена со торпедо и тоне со голема брзина.
Третата телеграма ја испратил капетан Меккеланд, и известува за спасените 980 патници.
Адолф Хитлер, како што дознаваме од историографијата, бил бесен кога дознал за трагичната грешка на својот капетан, и го натерал да напише нов записник, за да го заташка случајот пред германскиот народ.
Оваа грешка на германскиот капетан, за малку ќе го чинело кариера, но по објаснувањето негово - дека се работи за грешка, се спасил. Во мај 1941. неговиот брод бил нападнат од британски поморски сили кај Исланд. Успеал да побегне со чамец и потоа му се губи секаква трага.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата