-->
-->
Во Албанија утре ден на национална жалост
-->
Албанската Влада на денешната попладневна седница донесе одлука утрешниот ден да го прогласи за ден на национална жалост во чест на мајор Клодиан Никола Тануши, кој го загуби животот во мисија во Летонија.
Според оваа одлука, во сите државни и приватни институции, знамињата ќе бидат спуштени на половина копје.
Посебната државна комисија, со која претседаваше министерката за одбрана Олта Џачка, донесе одлука мајорот Тануши, кој беше командант на албанскиот контингент во Летонија, да го прогласи за „Херој на татковината“.
Тануши е роден во Пешкопеја на 31 октомври 1980 година, Тој живееше во Тирана со својата сопруга и трите малолетни деца. Во мисијата на НАТО во Летонија, заминал на 20 декември лани, од каде требаше да се врати следниот месец.
Ковчегот со посмртните останки на Тануши, што од Летонија пристигна вчера, утре ќе биде изложен во Националниот историски музеј во Тирана, по што ќе биде погребан на гробиштата „Народни херои“.
Тануши беше тешко повреден при експлозија на мина на 6 мај, а почина на 11 мај. Во експлозијата животот го загуби и 27-годишната капларка Зарифе Мухарем Хасанај, додека полесно беше повреден наредникот Јулиан Џеват Капај. Хасанај, исто така, беше прогласена за „Херој на татковината“, а со сите воени почести беше погребана на гробиштата „Народни херои“ на 10 мај.
Инцидентот се случил кога албанските војници демонтирале мини во рамки на мисијата на НАТО. Во ова мисија во Летонија албански војници учествуваат две години.
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп