Во 6 сообраќајки во Скопје повредени двајца велосипедисти, пајакот отстранил 72 возила
На подрачјето на Град Скопје вчера сообраќајната полиција извршила увид на вкупно шест сообраќајни незгоди, од кои четири се со последица материјална штета и две со последица телесна повреда во која со полесни повреди се здобиле двајца велосипедисти.
Во текот на изминатите 24 часа од страна на сообраќајната полиција откриени и санкционирани се 25 возачи кои не го почитувале ограничувањето на брзината на движење. Деветнаесет возачи го управувале возилото по истекот на важноста на сообраќајната дозвола или без возачка дозвола. Седум возачи не отстапиле првенство на минување на пешаците на обележан пешачки премин, односно поминале на црвено светло на семафор и тројца возачи кои го управувале возилото под дејство на алкохол. Санкционирани се и шест пешаци кои сториле прекршоци по различи основи.
Со помош на специјалното возило „пајак“ вчера од страна на сообраќајната полиција отстранети се 72 возила кои го попречувале нормалното одвивање на сообраќајот.
Денеска Отсекот за превенција при Единицата за безбедност во патниот сообраќај при СВР Скопје ќе одржи едукативни предавања во основните училишта „Климент Охридски“ и „Петар Здравковски Пенко“ кои се наоѓаат во општина Бутел, со учениците од четврто одделение.
Денеска со почеток во 11 часот и 45 минути поранешните вработени во „Алумина“ ќе одржат мирен протест на бул. „Илинден“ пред зградата на Владата на Република Македонија, а со почеток во 20 часот во СЦ „Јане Сандански“ во рамките на АБА лигата ќе се одигра меѓународен кошаркарски натпревар помеѓу МЗТ Скопје Аеродром и Тајфун, Словенија. Со цел непречено и безбедно одвивање на сообраќајот од страна на сообраќајната полиција ќе бидат преземени соодветни мерки за сообраќајно обезбедување, а по потреба и пренасочување на сообраќајот.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ