Македонија
8. November 2019 - 8:25

Внимателно возете, влажни коловози

Сообраќајот на државните патишта се одвива по влажни  коловози.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

На магистралниот пат А2 Кичево – Охрид (на потег од Пресека до с. Песочан) од денеска 02.11.2019 г. поради изведување градежни работи (асфалтирање) наместа сообраќајот ќе се одвива со девијации (односно преминување од една во друга коловозна лента) за што ќе биде поставена соодветна сообраќајна сигнализација. Работите ќе се изведуваат во наредните 10 дена.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.