Внимателно во сообраќајот: Тешка сообраќајна незгода на регионалниот пат Кавадарци – Неготино

Сообраќајот на државните патишта се одвива по наместа влажни коловози.

Синоќа поради сообраќајна незгода на регионалниот пат Кавадарци – Неготино, пред село Марена, сообраќајот беше во целосен прекин од 21.10 часот, информира Автомото сојузот на Македонија.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.

ФРЕКВЕНЦИЈА: Интензитетот на сообраќај на патните правци надвор од градските средини е зголемен. На граничните премини нема подолги задржувања за влез и за излез од државата. Оваа информација се однесува само за македонската страна на премините.