ВМРО-ДПМНЕ: СДСМ поставува несоодвтени раководни кадри во спортот

ВМРО-ДПМНЕ обвинија дека со поставувањето за директор на Спортската академија на лице кое е професор по историја и нема врска со спортот, сериозно се загрозувала иднината на македонскиот спорт. 

- Младите македонски спортски надежи заслужуваат да ги води докажан спортист и лице кое може професионално и на високо ниво да ја води академијата. Да сакаа да бидат историчари ќе се запишеа на историја, а не на Спортската академија. Ваквиот непрофесионален потег на СДС може да ја блокира работата на академијата и со тоа сериозно да се загрози иднината на македонскиот спорт, рече Филип Ѓорѓиев од ВМРО-ДПМНЕ пред Факултетот за физичко образование, спорт и здравје.

Според него, за ваквото однесување на СДСМ и хаосот кој планираат да го создадат и во македонскиот спорт ќе следи политичка одговорност и казна од граѓаните на следните локални избори.