ВМРО-ДПМНЕ: СДСМ покажува дека е во паника
СДСМ со секоја нова прес-конференција покажува во каква паника е нивната партија, откако народот јасно им кажа дека залудно ја прифатиле тиранската платформа и залудно се пазареле со највисоките државни и национални интереси, бидејќи тиранска влада нема да ја води Република Македонија.
Ова го порачува ВМРО-ДПМНЕ во пишана реакција на денешната прес-конференција на Петре Шилегов од СДСМ на која рече дека новата влада ќе спроведе темелни реформи во судството и во обвинителството и ќе обезбеди независен судски систем и правда за сите, како и дека ќе побараат продолжување намандатот на СЈО.
- Стравот на Петре Шилегов и Зоран Заев дека ќе треба да одлежат долгогодишни казни затвор е оправдан. Залудно ги прифаќаа сите уцени. Залудно молеа да бидат амнестирани за предметот „Пуч“ преку нивната Катица Јанева. Залудно бараа поддршка и молеа за заштита од наркодилери од Арачиново, Тетово и Скопје. Залудно се договараа со мафијата и подземјето да го поддржи СДСМ и криминогеното раководство. Народот се крена и се спротистави на предавничката политика на Заев и компанија, се вели во реакцијата од ВМРО-ДПМНЕ.
Во Република Македонија, се додава, има закони и тие важат подеднакво за сите.
- Заканите кон судовите и судиите нема да му помогнат на Заев колку и да бега од правдата. Ќе си одлежи и за барањето поткуп и за Цареви Кули и за незаконското финансирање на изборите и за Пуч. ВМРО-ДПМНЕ ги охрабрува судиите да не потклекнуваат на притисоците на СДСМ. Помина времето кога тие политички си бираа над 600 судии на собраниска седница и кога единствен критериум беше членската книшка од Бихаќка. Граѓаните не дозволуваат криминалците од СДСМ да ја вратат Македонија назад во црните 90-ти години, се потенцира во реакцијатаод ВМРО-ДПМНЕ на денешната прес-конференција на Шилегов.
Ново на Сител
-
НБ: Нето надворешниот долг до 30 јуни 4,48 милијарди евра
-
Почна монтирањето на новиот топловод под мостот Беласица
-
Поевтинуваат дел од горивата
-
Запленети лекови, мобилни „ајфон 16“, часовници „ролекс“, девизи
-
На респиратор новороденчето чија мајка почина во кумановската болница
-
РКЕ: Грејната сезона почнува на 15 октомври
-
МНР: Нема наши државјани кои се обратиле за помош или евакуација од Либан
-
На 4 октомври застарува затворската казна на Груевски за набавката на „мерцедесот“