ВМРО-ДПМНЕ: Потрошени 320 милиони евра наместо да се изградат детски клиники

 ВМРО-ДПМНЕ ја обвини Владата предводена од СДСМ дека непродуктивно потрошила 320 милиони евра кои можела да ги искористи за изградба на 45 детски клиники.

- Отворањето на повеќе нови детските клиники, дополнително ќе го зголемеше и квалитетот на здравствените услуги во Република Македонија, вели ВМРО-ДПМНЕ во денешното соопштение.

Според ВМРО-ДПМНЕ, Владата ги занемарила барањата и потребите на граѓаните и поради недомаќинското работење ја довела државата пред банкрот. - СДС ја повлече економијата по надолна линија. Прв пат после 10 години имаме пад на просечната плата за 0,7 процени а имаме и пад на индустриското производство за 2,2 проценти. Стагнирање во економијата кое се случи под палката на СДС, значи и помалку нови-работни места, 100 милиони евра помалку странски директни инвестиции во јули 2017, за разлика од истиот месец 2016 година, оценува ВМРО-ДПМНЕ.