-->
-->
ВМРО-ДПМНЕ нема да ги повлече амандманите за Законот за двојазичност
-->
Потврдувам дека ВМРО-ДПМНЕ нема да ги повлече поднесените амандмани. Тоа право ни го дава деловникот на Собранието на Република Македонија, Уставот и непотпишувањето на законот од страна на Претседателот на Република Македонија, рече Дафина Стојаноска член на Извршниот Комите на ВМРО-ДПМНЕ и пратеник во Собранието на Република Македонија во вечерашното гостување на Македонската телевизија во емисијата „Акцент“.
Стојаноска истакна дека и покрај обидите од владејачкото мнозинство да ги оспори амандманите поднесени од страна на ВМРО-ДПМНЕ, не може, бидејќи тоа е право на секоја пратеничка група која смета дека законот не е добар и не е во интерес на граѓаните.
Таа потенцираше дека ставот на ВМРО-ДПМНЕ е јасен, а тоа е дека тие немаат ништо против Албанците, но како што рече, сакаат да се унапредат и другите јазици на заедниците, додека овој закон го фаворизира само албанскиот јазик, а со тоа може да ја продлабочи кризата помеѓу граѓаните. За Стојаноска поголем приоритет се законите кои се од интерес на сите граѓани на Република Македонија, а не законите кои што се носат по скратена постапка и закони кои што се носат без присуство на опозицијата.
Стојаноска уште еднаш ја потенцираше причината за отсуството на ВМРО-ДПМНЕ во Собранието. Како што рече таа причината е притворањето на 12 проценти од нивната пратеничка група и кршење на човекови права каде што пратеничката Пешевска била притворена со пратенички имунитет.
-Да беше толку итен притворот ќе се спроведеше многу побрзо, но започна после 7 месеци. Притворот трае 4 месеци, констатираше пратеничката Стојаноска.
Стојаноска ја искористи можноста јавно остро да го осуди нападот на службено лице, жена вработена во МВР, од страна на партиски активист на ДУИ. Според неа, недозволиво е било каков напад врз жена, а најмалку пак на службено лице кое треба професионално и квалитетно да ја врши својата работа.
-->
-->
-->
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице