ВМРО-ДПМНЕ: Каде се ветените вакцини од Грција и Бугарија? Зошто молиме, наместо да набавиме како што набавија Србија и Албанија
Неспособноста и неодговорноста на власта граѓаните ја плаќаат со своето здравје и своите животи. Венко Филипче и Зоран Заев наместо да обезбедат навреме вакцини за граѓаните беа посветени во градење куќи и набавки на златни лажици.
Затоа Македонија е 5-та земја во светот по смртност од КОВИД-19, и последна земја во Европа која ќе набави вакцини. Во услови кога над 87 илјади лица заболеа, а скоро 2.700 починаа во епидемијата, Заев и Филипче немаат абер
да набават час поскоро вакцини.
Ја лажеа јавноста дека вакцините само што не дошле, дека Бугарија ќе ни донира, дека Грција набавува за нас, ама и Бугарија и Грција добија вакцини, а Македонија веќе во средина на јануари нема добиено ниедна вакцина.
Да потсетиме што лажеа Филипче и Заев:
-„Бугарија од секоја набавка на вакцини против КОВИД-19 ќе одвојува дел за нашата земја, кои ќе ги добиваме како донација“, најави министерот за здравство, Венко Филипче на прес-конференцијата по враќањето од Софија. Бугарија веќе ја очекува втората набавка на вакцини, а од првата немаме добиено ниту 0,1%.
- „Грција веќе нарача за нив (Вакцини), направи нарачка и за нас“- рече Заев уште минатата година, а пратката кај нашиот јужен сосед одамна пристигна, но нема никаква нарачка за нас.
Патем, Србија, Албанија и сите земји во Европа веќе набавија вакцини и отпочнаа со вакцинирање на своето население. Зошто Заев и Филипче не набавиле вакцини како што тоа го направија Албанија и Србија. Зошто сме доведени во
ситуација да молиме вакцини од некого, наместо да постапиме како нашите соседи кои најдоа начин да го заштитат здравјето и животите на своите граѓани.
Заев и Филипче треба да понесат одговорност затоа што доцнат набавките на вакцини. Поради тоа секој ден заболуваат и умираат луѓе. Нивната неспособност чини нечие здравје и за тоа мора некој да сноси одговорност.
Ново на Сител
-
САД го истражуваат протекувањето на строго тајни документи со детали за израелските планови за напад на Иран
-
Рама: Обединувањето со Европа е пат со две ленти, 100 отсто сум убеден дека во оваа деценија ќе станеме дел од ЕУ
-
Мицкоски ќе учествува на 20. Европски самит во Салцбург
-
Координатор на ОН за Блискиот Исток: Кошмарот во Газа се засилува
-
Маск ќе подарува по милион долари дневно до изборите на некој што ќе ја потпише неговата петиција
-
Околу 100 ракети истрелани од Либан кон северен Израел
-
Израел го нападна штабот на разузнавањето на Хезболах во Бејрут
-
Маж од скопско ја нападнал својата 19-годишна ќерка