ВМРО-ДПМНЕ: Граѓаните немаат никаков бенефит од задолжувањата

ВМРО-ДПМНЕ денеска обвини дека министерот за финансии за повеќе од два месеца ја задолжил државата за стотици милиони евра и оти овие пари се трошат за партиски вработувања.

- Постојано се распишуваат нови аукции за државни хартии од вредност, а граѓаните не гледаат никаков бенефит од се поголемото задолжување, се вели во соопштението.

ВМРО-ДПМНЕ наведува дека министерот Тевдовски досега има издадено државни хартии во вредност од 145 милиони евра, а според податоците на НБРМ, девизните резерви се намалени од 366,3 на 189,3 милиони евра. 

- Јавноста гледа дека овие пари не одат за покачување на платите и пензиите или нови проекти, туку се трошат за луксузирањата на СДС и покривање на партиските вработувања во институциите и забрзаната партизација на државниот апарат. Неспособната влада на СДС ствара само хаос и неизвесност. Едно зборуваат пред избори, а друго прават кога се на власт, вели ВМРО-ДПМНЕ во соопштението.