ВМРО-ДПМНЕ: Филипче изгорел инсулин од 1,5 милион евра

Инсулин со рок на важење до јуни 2020 година во вредност од 1,5 милион евра бил уништен на 5. декември, објавува опозициската ВМРО-ДПМНЕ. 

 

Се работи како што велат за неофицијални информации добиени од луѓе кои работат во надлежните институции. 

 

- Дали на повидок е нов скандал со уништување на корисен инсулин во кој се вклучени Министерството за здравство, министерот Филиплче, Агенцијата за лекови и други институции? Според нашите информации на 5. декември 1 тон и 200 кг инсулин во вредност од 1,5 милион евра, а со валиден рок до јуни наредната година бил уништен. Дали причината е нов тендер кој ќе обезбеди заработка на луѓе блиски на власта и кој ќе ја понесе одговорноста за ваквата штета?, праша Марија Андоновска од Комсиијата за здравство на ВМРО-ДПМНЕ.