ВМРО-ДПМНЕ бара одговорност и оставка од Таравари
ВМРО-ДПМНЕ и денеска побара надлежните да преземат одговорност за, како што велат од партијата, големиот број смртни случаи кај деца и доенчиња во последните десеттина дена.
- Ова е најтрагичната недела во историјата на македонското здравство. Осум детски животи згаснаа поради неспособноста и хаосот кој го направи СДС и Таравари, рече Дафина Стојановска од ВМРО-ДПМНЕ, која побара и одговор дали се вистините вчерашните информации за случај во кој што бебенце починало при транспорт од Охрид кон Скопје.
Од партијата сметаат дека здравството е во хаос и оти за тоа се виновни министерот Арбен Таравари, премиерот Зоран Заев и, како што велат, „нивните партиски послушници“.
- ВМРО-ДПМНЕ предупредуваше на последиците од неспособноста на ужасните кадровски решенија на Таравари и СДСМ кои беа донесени на сметка на професионалците кои си ја знаат работата. Сега предупредувањата почнаа да се гледаат и плаќаат со човечки животи, рече Стојановска.
За ВМРО-ДПМНЕ, спорно е и тоа што Таравари цела недела не излегол во јавност да ги каже причините за ваквите состојби и ги прикривал работите. Побара министерот Таравари да се извини и да си поднесе оставка.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени