Вложиле 30 долари, па станале милионери: Еве како на овој брачен пар им се променил животот за секунда

Пар од Њујорк освоил 10 милиони долари на грепки, што е поединечно најголема награда за овој вид на игра на среќа во историјата на лотаријата во таа американска држава.

Официјалните лица на државата Њујорк соопштиле дека победничкиот тикет е купен во самопослуга во Покипси, град кој се наоѓа околу 110 километри северно од градот Њујорк.

Комисијата за игри на среќа во Њујорк соопштила дека тикетот бил дел од специјалната 50 годишнина на инстант лотаријата „Десет милиони долари во кеш“.

Цената на поединечен тикет за оваа игра била 30 долари.

Имињи на победничкиот пар не се објавени. Официјалните лица на лоттаријата ќе им ги предадат парите на голем чек во четврток попладне.