Власти во германски град забранија учество на турски министер на митинг за уставните реформи

Властите во германскиот град Гагенау му забранија на турскиот министер за правда Бекир Боздаг да учествува на митинг за турските реформи на Уставот. Митингот беше закажан за денеска попладне, јави ДПА.

Боздаг требаше да има обраќање пред сонародници во рамките на кампањата за референдумот за уставните реформи во Турција, со кои ќе се зголемат овластувањата на претседателот Реџеп Тајип Ердоган.

Во Германија живее најмногубројна турска дијаспора. Околу 1,4 милиони Турци кои живеат во Германија имаат право да гласаат на референдумот што ќе се одржи на 16 април.