Владина делегација предводена од вицепремиерот Анѓушев во посета на Чешка
Владина делегација предводена од вицепремиерот за економски прашања Кочо Анѓушев денеска и утре ќе престојува во посета на Брно, Чешка каде се одржува Меѓународниот инженерски саем кој е еден од најважните индустриски саеми во Централна Европа.
Владината делегација, во чиј состав се и министерката за странски инвестиции Зорица Апостолска, министерот задолжен за унапредување на регулативата за домашни компании Хисен Џемаили и директорот на Дирекцијата за индустриски развојни зони Александар Младеновски, ќе реализира повеќе активности во рамки на саемот.
Според агендата, планирана е средба со чешкиот вицепремиер и министер за индустрија и трговија Карел Хавличек, а владината делегација ќе присуствува и на бизнис форумот посветен на можностите за инвестирање во Република Северна Македонија. Ќе бидат остварени и повеќе средби со компании кои ќе се претстават на саемот.
Саемот, како што е најавено, ќе го отвори чешкиот претседател Андреј Бабиш.
Меѓународниот инжинерски саем во Брно е најважниот индустриски саем во Централна Европа, на кој изложуваат околу 1600 компании, а посетен е од над 80 илјади лица. Околу 50 проценти од изложувачите доаѓаат од Чешка, а останатиот дел се компании од Европа и други развиени земји.
Ново на Сител
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо