Владата на денешната седница ќе донесе одлука за поддршка на овоштарите
Владата на денешната седница ќе ја усвои одлуката за дополнителна поддршка на овоштарите со шест денари за килограм праски предадени во преработувачки капацитети меѓу 12 и 30 јуни, соопшти премиерот Зоран Заев на денешната собраниска седница.
Како што рече Заев, владината седница е закажана за 18 часот.
- Закажавме седница на Влада, ќе донесеме одлука за шест денари да им исплатиме на производителите на праска за да може четири денари да платат откупувачите, тоа се вкупно 10 и ќе го решиме комплетно проблемот што се појави поради мразот за што претходната влада ништо не направи. Директно ќе интервенираме со буџетски средства, истакна премиерот.
Согласно одлуката што беше најавена завчера од министерот за земјоделство, шумарство и водостопанство Љупчо Николовски, дополнителни шест денари би требало да добијат над 500 производители, односно ќе бидат откупени околу 400 тони праски кои едвај би достигнале пет денари по килограм.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари