Владата на бразилската држава Еспирито Санто соопшти дека постигнала договор за прекин на полицискиот штрајк
Властите на бразилската држава Еспирито Санто соопштија дека постигнале договор со полициските синдикати за ставање крај на актуелниот еднонеделен штрајк на полицајците, кој доведе до масовни насилства, анархија и убиства на повеќе од 120 лица.
Претставници на владата на Еспирито Санто изјавија дека се очекува полицајците да се вратат на работа денеска во 07.00 часот, по локално време.
Засега не е јасно дали повеќето полицајци ќе го почитуваат договорот. Роднини на полицајците кои штрајкуваат изјавија дека полициските синдикати, со кои локалните власти го склучија договорот, не ги претставуваат.
Полицискиот штрајк поради недобивањето плати во текот на изминатата недела доведе до вакуум во безбедноста и изроди масовни напади, грабежи и мародерство, честопати среде бел ден.
Ново на Сител
-
Македонија под снег
-
Преглед на вестите од светот
-
Тема на денот со Илија Димовски
-
Македонија под снег - Радост за најмладите, проблеми за возрасните
-
Македонија под снег - радост за најмладите, проблем за возрасните
-
Охрид се мобилизира
-
УХМР најавува снежни врнежи и утре
-
Панихида за Мара Бунева во Скопје