Високо ниво на загаденост на воздухот во Киев заради пожарите околу Чернобил
Пожарите во околината на напуштената нуклеарна централа во Чернобил и околните шуми довеле до пораст на нивото на загаденост на воздухот во Киев, што утринава беше меѓу највисоките во светот, пренесее Тасс.
Според податоците на швајцарската компанија IQAir, Киев утринава се наоѓал на првото место во светот според загаденост на воздухот.
Во извештаите на украинското Министерство за здравство се наведува дека смогот во Киев и областа околу градот не претставува хемиска и радиолошка закана и дека нивото на радијација е во границите на нормалата.
На граѓаните од главниот град, сепак, им е апелирано да останат во своите домови, што многумина од нив веќе и го прават заради епидемијата, а од нив се бара и да ги затвораат прозорците.
Министерството предупредува дека смогот може да предизвика главоболка, кашлање, потешкоти при дишењето, иритација на очите, запаление на слузокожата на носот и грлото, како и алергии и бројни други здравствени проблеми.
Од пред еден месец во шумите околу Чернобил избија пожари што се проширија се до напуштената нуклеарна електрана. Тие пред неколку дена конечно беа изгаснати, но од синоќа се појавија нови и тоа во истото подрачје, како и во областа Житомир.
Ново на Сител
-
ГЕРБ победи, но е далеку до 121 пратеник за формирање влада во Бугарија
-
Советот за безбедност на ОН се очекува утре да расправа за израелските напади врз Иран
-
27 годишник од Гана силувал 32 годишна скопјанка во Кисела Вода
-
Бројот на загинати во невремето Трами на Филипините се искачи на 138
-
Во Батинци загина пешак откако бил удрен со возило
-
Израелските војници убиле висок командант на Хамас на Западниот Брег
-
Мицкоски за оставката на Комисијата за помилување: По направена грешка, ако се превземе одговорност, тогаш тоа е доблесно
-
Грција ја следи ситуацијата со балканската рута и поради опасноста меѓу мигрантите да има борци од Хамас