Тенис
9. July 2015 - 16:11

Вимблдон: Прво грен слем финале за Мугуруза

Шпанката Гарбине Мугуруза се избори за своето прво финале на грен слем турнир откако попладнево во полуфиналето на Вимблдон ја победи Агнешка Радванска (13.ВТА) од Полска со 2-1 во сетови. Ова е нејзин најголем резултат откако досега двата четвртфинални меча на Ролан Гарос беа најдобри пласмани.

Мугуруза (20.ВТА) одлично го почна мечот и првиот сет го доби со 6:2 во гемови и водеше со 3:1 во вториот, но Радванска направи серија од 6-0 и приота го доби вториот сет со 6:3 и поведе со 1:0 во третиот. Сепак Мугуруза се врати брзо во игра и направи брејк за водство од 4:2 во третиот сет, кој успеа да го доби со 6:3. Мечот траеше 1:56 час.
Во финалето таа ќе игра со победничката од второто полуфинале меѓу Серена Вилијамс (1.ВТА) и Марија Шарапова (4.ВТА).