Вимблдон: Најавено полуфинале Ѓоковиќ-Федерер

Новак Ѓоковиќ, бранителот на титулата на неофицијалното првенство во тенис Вимблдон, во проектираното полуфинале би можел да се сретне со Роџер Федерер, против кого во претходните две години ја освојуваше титулата. Второто проектирано полуфинале е Енди Мари-Стан Вавринка.

 

Првиот светски рекет и во моментов сопственик на титулите на сите четири Грен слем турнири, настапот на Вимблдон в понеделник ќе го започне против британскиот тенисер Џејмс Ворд. Во втората рунда најверојатно ќе игра против Андреа Манарино, а потоа против Американецот Сем Квери.

 

На патот до полуфиналето Ѓоковиќ најверојатно ќе мора да го совлада и Шпанецот Давид Ферер, а пред проектираниот дуел со Федерер, во четвртфиналето го чека тежок противник во името на Милош Раониќ.

 

Преостанатите проектирани четвртфиналиња се Роџер Федерер-Кеи Нишикори, Доминик Тим-Стан Вавринка и Ришар Гаске-Енди Мари.