Вилсон: Мицотакис ќе треба да покаже дека Грција се придржува до своите обврски
Киријакос Мицотакис ќе треба да покаже дека Грција може да се придржува до своите обврски, вклучувајќи ја и поддршката за потенцијалното пристапување на Северна Македонија кон ЕУ, оценува извршниот потпретседател на Атлантскиот совет од Вашингтон, Дејмонд Вилсон во коментар за победата на Нова демократија на предвремените парламентарни избори што се одржаа изминатион викенд.
-Ципрас беше од клучно значење во постигнувањето на Договорот со Северна Македонија со кој беше ставен крај на 27-годишниот спор за името и на земјата и се овозможи да добие покана за придружување кон НАТО. Иако Нова демократија гласаше против договорот за името познат како Преспански договор, Мицотакис навести дека договорот легално обврзува и не покажува знаци дека ќе го промени курсот, истакнува Вилсон.
Според него, Договорот од Преспа повторно ја постави Атина како клучен стратешки партнер на САД во развојот на заеднички стратегии кон ЈИЕ и Источниот Медитеран.
Тој сепак предупредува дека „Мицотакис ќе треба да покаже дека Грција може да се придржува до своите обврски, како што и самиот кажа“, вклучувајќи ја и поддршката за потенцијалното пристапување на Северна Македонија кон ЕУ.
-Ако тоа се случи, Грција ќе продолжи да ја поддржува интеграцијата на Северна Македонија во трансатлантската заедница и ќе остане конструктивен и водечки играч во обликувањето на иднината во регионите на Југоисточна Европа и на Источниот Медитеран, смета Вилсон.
Извршниот потпретседател на Атлантскиот совет исто така изразува увереност дека Мицотакис ќе продолжи да ги надградува како што вели „најсилните односи што Соединетите Држави ги имале со Грција во изминатите години“. Вилсон појаснува дека поддршката од САД за време на финансиската криза што според него „се гледа во исклучително блиските односи меѓу Вашингтон и Атина се нешто што се чинело невозможно кога Сириза првпат дошла на власт“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово