Виктор Димовски, државен секретар во МНР

Амбасадорот Виктор Димовски со решение на министерот Никола Димитров е поставен за нов државен секретар во Министерството за надворешни работи, соопшти МНР.

Виктор Димовски е доктор на политички науки и дипломат од кариера со повеќе од дваесет години дипломатско искуство. Во изминатиот период бил вонреден и ополномоштен амбасадор на Република Македонија во Србија и Црна Гора, како и во Државата Израел. Покрај тоа, извршувал и други одговорни должности во МНР, помеѓу другото и помошник министер, државен советник и специјален советник. Воедно, бил Национален координатор на Република Македонија во повеќе регионални иницијативи, претседавач на Комитетот на политичките директори на Процесот за соработка во Југоисточна Европа и претседател на македонскиот дел на Државната Комисија за утврдување на границата со СР Југославија. Во периодот од 2007 до 2009 година Димовски беше директор на Агенцијата за разузнавање.