(ВИДЕО) Младите кошаркари го добија првиот меч ротив Бугарија

 

 Македонската селекција за кошаркари до 20 години синоќа во салата на КК Вардар под Кале славеше убедлива победа над врсниците од Бугарија со 69:53 (17:16, 17:9, 14:12, 21:16).

 

За Македонија ова беше првата победа во рамките на подготовките за настап на Европското првенство Дивизија Б во Грција.

 

Со овој триумф избраниците на селекторот Љупчо Малинков и се реваншираа на младата репрезентација на Бугарија за првиот од двата пораза на пријателски средби во Правец.

 

Само во првите 10 минути кошаркарите на Бугарија беа рамноправен противник на нашиот национален тим. Во продолжението со одлична игра во одбрана и сигурен напад  нашиот млад тим заслужено стигна до лесна и убедлива победа. 

Селекторот Малинков на вечерашната средба ја подели минутажата на сите 12 кошаркари.

 

Истите ривали и денеска во салата на КК Вардар ќе одиграат уште еден контролен натпревар.