Ветингот во УБК ќе се спроведува на оние кои ќе се пријават на огласот, но и на оние кои нема да се пријават
Ветингот во УБК ќе се спроведува и на оние кои ќе се пријават на огласот, но и на оние кои нема да се пријават, најави министерот за внатрешни работи Оливер Спасовски одговарајќи на новинарско прашање во Кавадарци, во врска со ветингот во УБК.
Информираше дека комисиите се формирани и треба да се работи на правилниците и подзаконските акти.
– Информацијата која ми ја даде директорот на Агенцијата за национална безбедност е дека тие се веќе подготвени и треба да поминат и на Влада. Следниот чекор е започнување на ветинг процесот. Тоа значи пријавување на оглас на сите вработени, појасни министерот Спасовски.
Тој истакна дека ветингот ќе се спроведува за сите вработени во Управата за безбедност и контраразузнавање.
– Ќе се спроведува од аспект на личниот интегритет, начинот на кој работеле во Управата, степенот на образование, како напредувале во службата и на таа основа и сите тие аспекти да се донесат одлуките. За нас е важно Агенцијата да биде модерна, ефикасна, да ја штити националната безбедност, а во ниту еден случај да не биде Агенција која понатаму ќе продуцира нови политички кризи и пореметувања на општествениот систем, нагласи Спасовски.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација