Венс: Најдобра гаранција за безбедноста на Украина е економска соработка со САД
Потпретседателот на САД, Џеј Ди Венс, изјави дека најдобрата гаранција за безбедноста на Украина е да се дадат на САД економски можности, пренесе телевизијата „Фокс њуз“.
– Ако сакате вистински безбедносни гаранции, ако навистина сакате да гарантирате дека Владимир Путин нема повторно да ја нападне Украина, најдобрата гаранција за безбедност е да им дадете на Американците економски можности во иднината на Украина, изјави Венс.
Тој додаде дека тоа е „многу подобра гаранција за безбедност“ од, како што рече, „испраќање 20,000 војници од некоја случајна држава која нема воено искуство во последните 30 или 40 години“.
Според Венс, склучувањето договор за ретките метали на Украина ќе овозможи САД да си вратат дел од инвестираните средства и ќе покаже дека Вашингтон има долгорочен економски интерес во земјата.
Тој нагласи и дека, доколку украинскиот претседател Володимир Зеленски е подготвен за мировни преговори, вратата на американскиот претседател Доналд Трамп е отворена.
Ново на Сител
-
Претседателот на Малдивите светски рекордер - држеше 14 часа 54 минути прес конференција
-
33-годишен мотоциклист загина во сообраќајка на патот Дебар - Струга
-
Лазаров оптимист пред дуелите со Естонија и Литванија
-
Тему прекинува со испорака на стоки од Кина во САД поради американските царини
-
Трамп: Нема да се кандидирам за трет мандат
-
„Њујорк тајмс“: Украина добива нова американска помош – ракетен систем Патриот
-
Вчерашното убиство во Скопје било извршено пред 5-годишната ќерка на сопружниците
-
Кон средината на мај, Трамп во Ријад ќе се сретне со лидерите на земјите од Заливот