Вељаноски се сретна со делегација на Комисијата за европски прашања на холандскиот Парламент
Претседателот на Собранието на Република Македонија Трајко Вељаноски денеска оствари средба со делегација на Комисијата за европски прашања на холандскиот Парламент, предводена од Малик Азмани претседател на Комисијата.
На почетокот на средбата Вељаноски се заблагодарил за постојаната поддршка што Холандија ја дава на Република Македонија во однос на европските интеграции и за досегашните успешно реализирани проекти и инвестиции. Тој истакнал дека стои на располагање за понатамошно продлабочување на соработката и посочил дека Собранието на Република Македонија е отворено за зајакнување на парламентарната соработка на сите нивоа.
- Шефот на холандската делегација Макик Азмани, заблагодарувајќи се за средбата, истакна дека ваквите средби се одлична можност за унапредување на досега одличните односи меѓу двете земји и ја искористи приликата да упати покана за посета на холандскиот парламент од страна на парламентарна делегација на Собранието на Република Македонија, се вели во денешното соопштение од Кабинетот на Вељаноски.
На средбата се разговарало за предизвиците со кои се соочуваат земјите од регионот во однос на мигрантската криза, при што било потенцирано дека ова прашање е од големо значење за цела Европа но и светот во целина.
Вељаноски истакнал дека земјата стои на принципиелниот став да ги почитува европските одлуки и решенија доколку тие не се на штета на Република Македонија. Соговорниците се согласиле дека добрососедските односи се од клучно значење за надминување на сите отворени прашања, како и за натамошен просперитет и стабилност.
Соговорниците разговарале за актуелните случувања во државата како и за можностите за подобрување на економската соработка меѓу двете земји.
Ново на Сител
-
Приведено лице од Долни Дисан поради бегство од затворот во Куманово
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден