Велика Британија воведе уште сто санкции против Русија

Шефот на британската дипломатија Дејвид Лами денеска изјави дека Лондон вовел сто нови санкции против Русија, насочени кон воениот сектор, енергетиката и финансиските институции.

Тој го нарече рускиот претседател Владимир Путин „воен подбуцнувач“ и го повика веднаш да се согласи на безусловен прекин на огнот, со цел да се отвори патор за праведен и траен мир.

Лами ги презентираше новите санкции против Русија, кои се однесуваат на:

- набавка и производство на оружје, вклучувајќи системи како што се ракетите Искандер, кои беа користени во неселективни напади врз Украина,

- 14 членови на Агенцијата за социјален дизајн (СДА), организација за дезинформации финансирана од Кремљ, чии лидери веќе се санкционирани,

- 46 финансиски институции кои ѝ помагаат на Русија да ги заобиколи санкциите,

- Берзата во Санкт Петербург и Руската агенција за осигурување на депозити, кои сега се исто така под санкции.

- Санкции за 18 бродови од руската „флота во сенка“.