Велигденски хуманитарен базар во Куманово

Велигденска хуманитарна акција насловена „Креирај подобро утре, донирај од срце“ се одржа денеска на градскиот плоштад во Куманово.

На хуманитарниот базар се продаваа велигденски јајца.

- Граѓаните донираат согласно можностите. Собраните средства ќе бидат донирани на основното училиште „Браќа Миладиновци“, конкретно за подобрување на просторните услови за паралелките во коишто учат децата со посебни потреби, изјави Моника Довенска од „Ротаракт клуб “ - Куманово, кој е еден од организаторите на базарот.