Велигденски хепенинг на Плоштадот во Ресен
Традиционално на Велики четврток по шести пат на Плоштадот во Ресен денеска ќе се одржи Велигденски хепенинг во организација на Домот на културата „Драги Тозија“ и Општина Ресен.
Уметнички дела изработени од членовите на ликовната секција при Домот на културата ќе бидат подарувани на посетителите. На плоштадот ќе настапат хоровите „Преспански ѕвончиња“, битолските „Ѕвончиња“, „Мелодиум“ и дел од учениците во средното музичко училиште во Битола.
Во рамките на Велигденската културна понуда во општина Ресен утре премиерно ќе биде изведена претставата „Реонска болница“, од членовите на драмската секција при Домот на културата „Драги Тозија“, во режија и изработена сценографија на Васко Василевски и Ане Милошевска. В сабота ќе биде одржан Музички рецитал, на кој ќе настапат околу 20-тина членови од школата по пијано во Ресен, а велигденскиот културен блок ќе заврши со претставата „Чолак“ на Драмскиот театар од Скопје.
По повод велигденските празници изминативе денови беа организирани низа културни активности меѓу кои концерт на руското културно уметничко друштво „Славјанка“, беше отворена првата самостојна изложба на ресенчанката Белгин Зекирија насловена „The first“.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација